«ДэIэпыкъуныгъэ» - Республиканская общественно-политическая газета «Черкес хэку»

Къэрэшей-Черкесым щагъэбелджылащ хыхьэхэкI цIыкIумрэ ику итымрэ телажьэхэм зэрадэIэпыкъуну япэрей Iэмалхэр. Къэрэшей-Черкесым и Правительствэм и тхьэмадэ Аргун Мурат хэгъуэгум и потребительскэ уасэхэм теухуауэ зэIущIэ иригъэкIуэкIащ. Абы хэтащ КъэрэшейЧеркесым и ЦIыхубэ ЗэIущIэм (Парламентым) и тхьэмадэ Иванов Александр, Урысей Федерацэм и Федеральнэ ЗэIущIэм Къэрэшей-Черкесым къыбгъэдэкIыу хэт сенатор Салпагаров Ахъмэт, Федеральнэ инспектор нэхъыщхьэу Къэрэшей-Черкесым щыIэ Дральщиков Игорь, Федеральнэ Антимонопольнэ Къулыкъум (ФАС-м) и щIыпIэ къудамэмрэ прокуратурэмрэ я лIыкIуэхэр, хэгъуэгум и Правительствэм хэтхэр.